Jornadas antirrepresivas dos centros sociais de Compostela (IV)

Hoje ás 19.00 no CSA do Sar a segunda parte do talher de seguridade na comunicaçom (lembrade trazer un pincho usb e mais portatil).

Adiantamos também o cartaz da atividade de amanhá, ás 20.00 na Gentalha Do Pichel (30 de NOVEMBRO, erro no cartaz!). Contaremos coa presentaçom do livro “Vidas culpáveis. O controlo neoliberal do crime”, de Borxa Colmenero:

“As intituiçons de encerramento prototípicas da sociedade disciplinar, tais como a fábrica, a escola ou o cárcere, nas que o indivíduo ficava ao dispor do poder para a sua correçom, foram incapazes de cumprirem o seu objetivo principal, perante a implosom dum modelo social em que um número crescente de vidas acabou por ficar de fora da institucionalidade. A deslocalizaçom da produçom, a terceirizaçom da economia ou a deterioraçom das agências welfaristas tornaram, entom, obsoleta a espessa rede de mecanismos de controlo próprios do disciplinamento. Ora, também nom nos encontraríamos na atualidade perante um capitalismo desorganizado ou irracionall incapaz de reconduzir a situaçom sem recorrer à repressom, senom, antes bem, perante uma racionalidade de governo que estravasa os tradicionais marcos da puniçom estatal. Por outras palavras, nom voltamos a um Estado essencialmente punitivo, mas a um modo de governo que, acima de tudo, aquilo que busca é administrar eficaz e eficientemente o seu corpo social”.